N°4
Sote vos bin compore Teyno
La novala de sty paï,
Eye lo Curo de Fossi,
Que dezi diominno,
Que trai grands monsus sont venus
Per adoro lo bon Jesus.
Tui bin savants commant de Prétres,
I suront lire u firmamant,
Que lo bon Di s'e fet éfant
Entremi deuve bétes.
I n'on po fota d'almana
Per sava qué temps é fara.
Tot à setou que l'arreviront,
U faubor de lioeu flan,
Lou vioeu, le fenes é lous éfants,
Tot s'en ebaïeront :
Quotion que n'y veze po bin,
Crezan qu'éière de boammiens.
D'autro deïont qu'é de braguetes
Que veniont vendre lioeux ongans,
Mé mai qui trompiront tant,
Ne sai po se béte,
Que de baille me n'arzan,
Per de cheti oriatan.
Quand y furont u cor-de-garde,
Lou soeudars que ne sont po nié,
Avoé lioeux épées u queuté
E lioeux alebardes ;
Lioeu deziront : qui va la ?
Qui êtes-vous ? qui ? alte la.
A don lioeu teurban sur la téta :
Car i n'ont jamé de chapiau,
Entoniront on chant novio,
Sur l'ar de trompéta :
Nos san, monsus, ici venus
Per adoro lo bon Jesus.
© 2007 - 2009, Cadole. Tous droits réservés.
|
|
|
|
|