N°2
Sur l'air : D'un menuet.
Minnia, Minnia é sonne à Polliat,
Alins y vay ce qu'è y a,
Y et arevo quoque merolio :
Cattan le couarte à la paray,
Léchan u liay neutra peraige,
E alin vai,
E alin vai s'é yet on Rai. Bis.
E yet on Rai certinnament,
Lo fi de Di lo tot-puissant.
Hélo ! que l'e bin miseroblo !
Cussa su na peunia de fan
Commant na béte dans l'étoblo,
Qu'é m'en fat mo
Qu'é m'en fat mo de che l'éfan. Bis.
Maneyo-lo, l'e to zelo ;
E fo chorchè per lo sarfo:
Allo chorchè una bussaille
Avoé trais u quarto sarmans,
Allo chorchè una bussaille
Qu'é ve che loeu monsu Laurent. Bis.
Nos an trovo per lo sarfo,
Nos fo chorchè per lo tréto;
É fo fare de poeu belette,
Avoé cinq u six matafans,
Per chela more que l'alète,
De farena de pur froman. Bis.
A S. José choeu bon vieillard,
E nos fo li baillè de lard,
On petio de neutra beuvanda :
Hélo ! que l'ameré bin mioeu,
Per aroso sa peuvra langa,
De bon vin vioeu é du melioeu. Bis.
Adi vos di neutron bon Ray,
Nos vos baillan bin lo bon say,
Se vos nos en trovos capoblos :
Excuso nos per cette fai,
Lou paysans ne sont pos noblos,
Excuso nos per cetta fai,
Nos faran mioeu u n'autra fai. Bis.
© 2007 - 2009, Cadole. Tous droits réservés.
|
|
|
|
|